मोदी सार्वजनिक प्रतिक्रिया बीत बाध्य

दिल्ली – भारतया प्रधानमन्त्री नरेन्द्र मोदीं मेडिकल शिक्षा सम्बन्धी न्ह्यसः पौ पिहां वःगु (चुहावट जूगु) प्रकरणयात कयाः न्हापांखुसी सार्वजनिक रुपं प्रतिक्रिया बिउगु दु । प्रधानमन्त्री मोदीं न्ह्यसः पौ लिक प्रकरणय् संलग्न जूपिंत कारवाहीया माग यासें देय्न्यंकं जुयाच्वंगु आन्दोलन तच्वया वनेवं न्हापांखुसी सार्वजकि प्रतिक्रिया बीत बाध्य जूगु खः ।

कक्रोच जनता पार्टीया नेतृत्वय् ल्याय्म्हतय्सं याना वयाच्वंगु आन्दोलन तच्वया वनेवं प्रधानमन्त्री मोदीं विहीवाः बहनि सामाजिक संजाल एक्सपाखें छगू भिडियो सन्देश जारी यासें थ्व सम्बन्धय् न्हापांगु प्रतिक्रिया बिउगु खः ।

मोदीं थःगु संबोधनय् आन्दोलन यानाच्वंपिंत ‘फ्रेन्ड्स’ अर्थात पासापिं धकाः संबोधन यासें झी ल्याय्म्हतय् भविष्य व इमिगु भिं जुइगु स्वयां महत्वपूर्ण मेगु छुं जुइ फइमखु’ धाःगु दु ।

प्रदर्शनकारीतय्सं वंगु प्यन्हु न्ह्यःनिसें संसद भवन पिने धर्ना बियाच्वंगु दुसा उकीमध्ये अप्वःसिनं धइथें संसद भवनयात न्हू दिल्लीया प्रमुख व्यापारिक क्षेत्रलिसे स्वाःगु मुख्य सतकय् हे च्वनाः आन्दोलन यानाच्वंगु दु ।