पेट्रोलियम ढुवानी दिकीगु
येँ(नेपालभाषा टाइम्स)- पेट्रोलियम ढुवानी व्यवसायीतय्सं थनिंनिसें देय्न्यंकं आन्दोलन याःगु दु । पेट्रोलियम पदार्थया ढुवानी भाडा समायोजना सहितया स्वंगू बुँदे माग तयाः उमिसं आन्दोलनया घोषणा याःगु खः ।
नेपाल पेट्रोलियम ढुवानी व्यवसायी महासंघं म्हिगः छगू विज्ञप्ति पित बिसें थनिंनिसें हवाई इन्धनया ढुवानी दिकेगु खँ धाःगु दु । उकथं हे २० गते पेट्रोलियम ढुवानी याइगु ट्यांकरं पीडीओ मकायेगु व २१ गते निसें फुक्कं ट्यांकरं लोड÷अनलोड मयायेगु खँ उकी धयातःगु दु ।
आःया ढुवानी भाडां ट्यांकर सञ्चालन याये मफइगु खँ महासंघं धाःगु दु । यदि आयल निगमं सञ्चालन यायेगु खःसा थःपिनिगु ट्यांकर तकं सरकारयात उपलब्ध याकेगु खँ नं विज्ञप्तिइ न्ह्यथनातःगु दु ।
LEAVE YOUR COMMENTS