गिफ्टपाखें प्यक्वःगु फेशन शो याइगु

यल – ग्रेसियस इन्ष्टिच्यूट अफ फेशन टेक्नोलोजी (गिफ्ट) पाखें कंस शुक्रवाः ग्वार्कोय् च्वंगु ९९ इभेन्ट भेन्यूइ प्यक्वःगु फेशन शो याइगु जूगु दु । म्हिगः छगू पत्रकार सम्मेलन यासें मोडेल व फेशनयात प्रमोशन यायेगु ताः तयाः थुगु इभेन्ट यायेत्यनागु खँ ग्वसाः खलकं धाःगु खः । झिंन्यासः दां पुलाः फेसन शोया मज्जा लिसेंं भ्वय् नं दइगु खँ नं जानकारी बिउगु खः । कोरियोग्राफर सनिल शाक्यं थुगु इभेन्टय् झिंखुम्ह मिस्त व झिम्ह मिजंतय्सं फेशन शो क्यनीगु जानकारी बियादिल । गिफ्टं सन. २०१३ सालंनिसें गर्जेस अटायर शो नामं थज्याःगु इभेन्ट याना वयाच्वंगु खः । ड्रेस डिजाइनर शोभा महर्जनं बियादीगु जानकारी कथं चैत २३ गते जुइगु प्यक्वःगु सिजन नं फेशन व मोडलतय्त प्रमोशन यायेगु निंतिं ग्वसाः जूगु खः ।