ल्वहंपौ तछ्याःम्ह मिसायात ज्वन

येँ – हनुमानध्वाखा दरबार क्षेत्रय् दुगु मल्लकालीन ल्वहंपौ तछ्याःगु द्वपनय् छम्हेसित ज्वंगु दु । बिहीवाः बहनी छम्ह मिसायात ज्वंगु खँ महानगरीय प्रहरी वृत्तजनसेवां म्हिगः पत्रकार सम्मेलन यानाः सार्वजनिक याःगु खः ।

वंगु पुस १५ गते चान्हय् हनुमानध्वाखा गणेद्यःया देगः न्ह्यःने च्वंगु ल्वहंपौ तछ्यानातःगु खः । प्रहरीं अन दुगु सिसिटिभी फुटेजया आधारय् उम्ह मिसायात ज्वंगु खः । उम्ह मिसां प्रहरी बयानय् थम्हं ल्वहंपौ तछ्यानागु स्वीकार यायेधुंकूगु दु ।

सम्बन्धित बुखँ

LEAVE YOUR COMMENTS