मेयर व उपमेयरयात हना

येँ – येँ महानगरपालिकां थः मातहत लाःगु सामुदायिक व संस्थागत स्कुलय् स्थानीय विषयया रुपय् नेपालभाषा ब्वंकेगु ज्या याःगु वापत नेवाः स्यनामि दबू नेपालमण्डलपाखें येँ मनपाया मेयर विद्यासुन्दर शाक्य व उपमेयर हरिप्रभा खड्गी श्रेष्ठयात हनेज्या यात । स्यनामि दबूया न्वकु कृष्णभक्त मानन्धरया सभापतित्वय् जूगु उगु ज्याझ्वलय् न्ववासें मूपाहां जनकवि दुर्गालाल श्रेष्ठं नेवाः ब्वंकेगु व्यवस्था याःगुलिं मेयर व उपमेयरया थ्व कार्यकाल स्वर्णकाल हे जूगु बिचाः तयादिल ।

ज्याझ्वलय् मेयर शाक्य व उपमेयर खड्गीं नेपालभाषा ब्वंकेगु ज्या एमाले व कांग्रेस थेंज्याःगु तःधंगु पार्टीं याःगु जुयाः थ्वयात आः सुनानं चीके मफइगु व चीकल धाःसा थःपिं तकं सतकय् वयेगु जुइ धयादिल ।

दबूया छ्यांज्ये वरुणप्रसाद वैद्यं लसकुस यानाः न्ह्याकूगु उगु ज्याझ्वलय् मनपा शिक्षा विभागया प्रमुख रामप्रसाद सुवेदी, विभागाय अधिकारी मोतिराज खनाल नापं सहरी योजना आयोगया दुजः गुजेश्वरी श्रेष्ठ व सहायक विज्ञ सुरेश किरणपिंत नं हनेगु ज्या जूगु खः ।

सम्बन्धित बुखँ

LEAVE YOUR COMMENTS