महानगरया न्हूम्ह प्रमुख कार्यकारीपाखें पद बहाली

येँ – येँ महानगरपालिकाया नवनियुक्त प्रमुख कार्यकारी अधिकृत लोकनाथ पौडेलं पद बहाली यानादीगु दु ।संघीय मामिला तथा सामान्य प्रशासन मन्त्रालयया वंगु पुस ७ गतेया निर्णयकथं पौडेल येँ महानगरया प्रमुख प्रशासकीय अधिकृत नियुक्त जुयादीगु खः ।

पद बहाली लिपा न्हूम्ह प्रमुख प्रशासकीय अधिकृत पौडेलं भौतिक, वित्तीय साधन व सूचना संचारया संयोजन यानाः कानून सम्मत धंगं सेवा काये दइगु आम नागरिकया अधिकार सुनिश्चित यायेमाःगु खँ धयादीगु दु । लिसें वय्कलं छम्ह व्यक्तिया कुतलं समुदायया भिं जुइगु ज्या यायेमाःगु खँय् नं बः बियादिल ।

उगु इलय् वय्कःयात येँ महानगर प्रशासन विभागया प्रमुख महेश काफ्लें लसकुस यानादीगु खः ।