जगतसुन्दरय् लिपि च्वज्या कासा

येँ –  जगतसुन्दर ब्वनेकुथिया ग्वसालय् अन्तर विद्यालय स्तरीय नेपाल लिपि च्वज्या धेंधेंबल्लाः कासा जुल । वंगु शुक्रवाः जूगु कासाय् थीथी झिंछगू ब्वनेकुथिया पीप्यम्ह ब्वनामिपिंसं ब्वति काःगु खः । कासाय् सृजना वि.क. (कन्या मन्दिर) न्हाप, अमृता सिंह (हिमालय मा.वि.) लिउ व ऐश्वर्या सोनाम (जगतसुन्दर) लियांलिउ लाःगु खः ।

ज्याझ्वलय् मूपाहां अनिल अमात्य विशेष कारणं उपस्थित जुयादी मफयेवं वयकःया प्रतिनिधित्व यासे झायादीम्ह किरण केन रंजितं कासाय् उत्कृष्ट जुयादीपिंत सिरपाः व दसिपौ लःल्हानादीगु खः । उगु लिपि च्वज्या कासाया निर्णायकमण्डलय् नेपाल लिपि गुथिया न्वकु अनिल स्थापित च्वनादीगु खः । ब्वनेकुथिया शिक्षक मणिराज मानन्धरया संयोजनय् जूगु ज्याझ्वः ब्वनेकुथिया प्रिन्सिपल सुनिता मानन्धरया सभापतित्वय् जूगु खः ।

सम्बन्धित बुखँ

LEAVE YOUR COMMENTS