ओमिक्रोनं अस्पताल वनेमालीगु जोखिम ७० प्रतिशत तक म्हो

एजेन्सी- ओमिक्रोन संक्रमणं जोखिम तुलनात्मक रुपं मध्यमस्तरया जक दुगु छगू अध्ययनं क्यंगु दु । बेलायत व दक्षिण अफ्रिकाय् यानाच्वंगु प्रारम्भिक अध्ययनं थ्व भेरियन्ट संक्रमण जूपिं मनूत मेमेगु भेरियन्टं संक्रमण जूपिं स्वयां ५० निसें ७० प्रतिशत म्हो जक अस्पताल भर्ना जुइमाःगु खनेदु ।

तर ओमिक्रोन संक्रमण जूसां अस्पताल वनेमालीगु अवस्था तसकं म्हो जक वइगु जूसां थ्व भाइरस याकनं सरे जुइगुलिं अस्पतालय् भीड जुइगु चिन्ता धाःसा प्वंकूगु दु ।

बेलायतय् बुधवाः छन्हुया दुने जक छगू लाख स्वयां अप्वः मनूतय्त कोभिड संक्रमण जूगु खः । स्कटल्यान्डय् कोभिडपाखें गुलि विरामी जुल व उपिं मध्ये गुलि मनूत अस्पताल वनेमाल धयागु तथ्यांक अध्ययन याःगु खः । उगु तथ्यांक कथं डेल्टा संक्रमण जूपिनि तुलनाय् ओमिक्रोन संक्रमण जूपिं म्हो जक अस्पताल भर्ना जूगु खनेदुगु खः ।

पब्लिक हेल्थ स्कटल्यान्डया कोभिड १९ निर्देशक डा. जीम म्याकमेनानीनं ‘थ्व छगू बांलाःगु समाचार’ जूगु खँ धयादीगु दु ।