साउने मेलाय् दत्तात्रय् भक्तजनतय् हुल

ख्वप – साउन महिनाया प्रत्येक सोमवाःपतिकं लगे जुइगु साउने मेला थ्व इलय् थीथी थासय् न्ह्यानाच्वंगु दु । थ्व हे झ्वलय् म्हिगः थनया दत्तात्रय द्यःयाथाय् नं आपालं भक्तजनया हुलं जाल । थन सुथंनिसें हे भक्तजनत द्यः दर्शनया निंतिं झ्वःछुइगु शुरु जूगु खः ।दर्शनार्थीत अप्वया वनेवं दर्शनया निंतिं टिकटया हे व्यवस्था यायेमाःगु खःसा भक्तजनतय् झ्वः नं इनाचो त्वालय् तक थ्यंगु खः ।

थनया दत्तात्रयय् थें हे डोलेश्वर, येँया पशुपति, मखं महाद्यः, यलया बगलामुखी नापं आपालं महाःद्यःया देगलय् मिसापिं भक्तजनय् हुलं जाःगु खः ।साउन संक्रान्ति पिा सोमवाः शुरु जूगु दिनंनिसें हे थुकथं महाःद्यःया देगः पतिकं मिसापिं भक्तजनत मुनेगु शुरु जूगु खःसा म्हिगः निगूगु वाःया सोमवाःया मेला खः ।

मेलाय् नेवाःत नापं भारतया थीथी थासं तकं भक्तजनत वयाच्वंगु दुसा थ्व हे इलय् बोल बम मेला कथं हिन्दू सम्प्रदाययापिंसं भुयुगु जक वसः पुनाः ब्वति कायेगु झ्वलय् थीथी थासय् च्वंगु महाःद्यःयाथाय् जल छायेगु नं याना वयाच्वंगु दु ।स्वनिगः बाहेकं पूर्वी नेपाःया चतरा, धरानया पिण्डेश्वर, चितवनया देवघाट आदि थासय् नं थ्व इलय् तःधंगु मेला लगे जुयाच्वंगु दुसा थुपिं थासय् साउन लछियंकं थुकथं हे मेला जुयाच्वनी ।