ने. सं. ११४३ तछलागा चौथी -

पुलांम्ह जुजु ज्ञानेन्द्र विरुद्ध कमल थापाया जेहाड !

येँ – राप्रपाया निवर्तमान अध्यक्ष कमल थापां पुलांम्ह जुजु ज्ञानेन्द्र शाह विरुद्ध जेहाड हे घोषणा यानादीगु दु । म्हिगः वय्कलं राप्रपाया नवनिर्वाचित अध्यक्ष राजेन्द्र लिङदेनयात छपु पौ च्वसें पुलांम्ह जुजु ज्ञानेन्द्र शाहं आपालं गलत ज्या याःगु द्वपं बियादीगु खः ।

थःगु पती वय्कलं देशय् जनताया बलं राजतन्त्र लित हयेगु थःगु कुतःया विरुद्ध वनाः पुलांम्ह जुजु ज्ञानेन्द्र शाहं गबलें विदेशीया ग्वाहालि कायेत स्वयेगु व गबलें देशय् राजनीतिक अस्थिरता ब्वलंकेगु ज्या यानाच्वंगु द्वपं नं बियादीगु दु । जुजुपाखें थ्व ज्याया लागिं थःत प्रयोग यायेत स्वःगु खःसा थम्हं उकियात अस्वीकार यानागु कारणं पार्टीपाखें थःत चीकाः मेम्हेसित हःगु खः धकाः नं द्वपं बियादीगु दु ।

थःपिंसं राजनीतिक पार्टी स्वयां च्वय् च्वनीम्ह जुजु पलिस्था यायेत स्वयागु खः धासें थापां तर जुजु ज्ञानेन्द्र राजनीतिक दल दुने हे चलखेल यायेगु ज्याय् सक्रिय जूगु कारणं कन्हय् छुं जुयाः राजतन्त्र पलिस्था हे जुल धाःसां नं जुजुपाखें मेमेगु दल व राजनीतिइ समेत हस्तक्षेप जुइ मखु धकाः गय् यानाः ग्यारेन्टी यायेगु धकाः नं न्ह्यसः तयादीगु दु ।

राप्रपां शुरुंनिसें हे जनताया अभिमतपाखें देशय् राजतन्त्र पलिस्था यायेमाः धइगु लाइन ज्वना जुयागु खःसां निर्मल निवासं राप्रपा दुने याःगु हस्तक्षेपया कारणं आः राप्रपां ज्वनाच्वंगु थ्व नीतिया औचित्य हे समाप्त जूगु खँ नं धयादीगु दु ।

पार्टीया आन्तरिक मामिलाय् निर्मल निवासं म्हितूगु थ्व चलखेलयात कयाः पार्टीपाखें छानबिन यायेमाःगु माग नं वय्कलं यानादीगु दु । यदि थुकिया छानबिन जुल धाःसा पार्टीया एकता कायम जुयाच्वनीगु लिसें पार्टीया भविष्य नं सुनिश्चित जुइ, मखुसा थौं थःत याःगु व्यवहार कन्हय् न्हूम्ह अध्यक्षया विरुद्ध नं यायेफु धासें वय्कलं सचेत नं यानादीगु दु । निर्मल निवासया हस्तक्षेपयात कयाः छानबिन यायेगु बारे पार्टीया बहुमतं याइगु निर्णय थःत स्वीकार्य जुइगु खँ नं वय्कलं पती धयादीगु दु ।

न्हापा मूप्याकेगु जात्रा, पुजा व पञ्चबलिया निंतिं स्थानीय जलमितय्सं हे खर्चया व्यवस्थापन याना वयाच्वंगु खःसा आः वयाः स्थानीय निकायं ग्वाहालि याःगु खः । थ्व बाहेकं जलया प्रत्येक छेँखां नीतका दां हापंकथं म्हःगु खःसा मगाःगु खर्च यल महानगरपालिका वडा नं. २८ व २९ पाखें व्यवस्थापन याःगु खः ।
थ्व हे झ्वलय् जलद्यःया मूप्याकेगु जात्रा अन्तर्गत वंगु थिंलाथ्व अष्टमि (मंसिर २५) शनिवाःकुन्हु प्रसादकथं देय् भ्वय् नकूगु ख । जल देय्वासी व स्थानीय निकायया सक्रियताय् जूगु देय् भ्वजय् जल देय्या छेँखापतिकं छम्ह छम्ह् यानाः झिंनिसः स्वयां अप्वःसित देय् भ्वय् नकूगु खः ।