तःमि देशं खोप भण्डारण यायेफुगुलिं विश्व स्वास्थ्य संगठन चिन्तित

एजेन्सी- न्हूगु भेरियन्टया कोरोना भाइरस ओमिक्रोन विश्व थीथी देसय् तीव्र गतिं फैले जुयाच्वंगुलिं यानाः तःमिगु देय्तय् कोरोनाविरुद्धया खोप भण्डारण शुरु यायेफु धकाः विश्व स्वास्थ्य संगठनं चिन्ता प्वंकूगु दु । खोप भण्डारण यात धाःसा खोपया आपूर्ति मजुइगुलिं यक्व देसया मनूतय्सं खोप कायेमखनीगु नं विश्व स्वास्थ्य संगठनं धाःगु दु ।

ओमिक्रोनलिसे बचे जुइत तःमिगु देय्तय्सं बुस्टर डोज बिइगु धकाः धयावयाच्वंगु दु । फाइजर खोप उत्पादन यानाच्वंगु कम्पनी फाइजर बायोएनटेकं नं फाइजर खोपं हे ओमिक्रोन विरुद्ध ज्या याइगु तर उकिया निंतिं बुस्टर डोज बीमा धाःगु दु ।

विश्व स्वास्थ्य संगठनं सुरुवाती मात्रायात नि प्राथमिकता बिइमाः धकाः धाःगु दु । तःमिगु देय्तय्त खोप दानया ज्या मदिकेत संगठनया खोप निर्देशक केट ओ ब्रायनं इनाप याःगु दु ।

ओमिक्रोन कोराना भाइरसया थीथी भेरियन्ट मध्ये दकलय् अप्वः उत्परिवर्तित भेरियन्ट खः ।