भिक्षु महासंघय् भिक्षु धर्मशोभन न्हूम्ह नायः

येँ- अखिल नेपाल भिक्षु महासंघया नकतिनि क्वचाःगु २४ क्वःगु साधारणसभापाखें महासंघया न्हूगु नेतृत्व ल्यःगु दु । साधारणसभां भिक्षु धर्मशोभन महास्थविरया अध्यक्षताय् निर्विरोध रुपं न्हूगु नेतृत्व ल्ययेगु ज्या याःगु खः ।

महासंघया मेपिं पदाधिकारीकथं उपाध्यक्ष भिक्षु शिलभद्र महास्थविर व भिक्षु सद्धातिस्स महास्थविर, महासचिव भिक्षु धर्मगुप्त महास्थविर, सचिव भिक्षु निग्रोध महास्थविर, कोषाध्यक्ष भिक्षु बोधिज्ञान महास्थविर निर्वाचित जुयाबिज्याःगु दुसा सदस्यकथं भिक्षु उपतिस्स महास्थविर, भिक्षु प्रज्ञामूर्ति महास्थविर, भिक्षु पञ्ञासार महास्थविर, भिक्षु पञ्ञारत्न महास्थविर, भिक्षु सारद स्थविर, भिक्षु विमलो स्थविर, भिक्षु सिरिवजिर स्थविर, भिक्षु मेधंकर स्थविर व भिक्षु शान्त स्थविर निर्वाचित जुयाबिज्याःगु दु ।