दशगजाय् दयेकूगु सतक थुनेगु शुरु

येँ – मोरङया दशगजा क्षेत्रय् भारतीय पक्षं दयेकूगु सतक थुनेगु ज्या शुरु जूगु दु । नेपाली पक्षं दशगजा मिचे यानाः दयेकूगु सतकया ज्या पनेवं भारतीय पक्षं मंगलवाः सुथंनिसें सतक थुनेगु ज्या न्ह्याकूगु खः । मोरङ जिल्लाया जहदा गाउँपालिका–१ कालाबञ्जरस्थित दशगजा क्षेत्रय् भारतं सतक दयेकेगु ज्या न्ह्याकूगु खः ।

दशगजा मिचे यानाः सतक दयेकेवं स्थानीय प्रशासनं पनेवं गल्ती स्वीकार यानाः भारतीय पक्षं सतक थुनेगु ज्या न्ह्याकूगु सशस्त्र प्रहरी बलं जानकारी बिउगु दु । भारतया विहार राज्यया अररिया जिल्ला कुशमाहा ग्रामपञ्चायत ४ या आमगाछी मुसहरी बस्तीया निगू गां स्वायेत दशगजा मिचे यानाः सडक दयेकेगु ज्या न्ह्याकूगु खः ।

दशगजाय् सतक दयेकूगु जानकारी वयेवं सशस्त्र प्रहरी बलं थुनेत इनाप याःगु खः । सशस्त्र प्रहरी बलया कथं ३०० मिटर सतक दयेकेगु कथं भारती पक्ष ज्या यानाच्वंगु खः ।