ने. सं. ११४६ चिल्लागा नवमी -

नांजाःम्ह बौद्ध उपासक भाइराजा साहुया अन्त्यष्टि क्वचाल

येँ( नांजाःम्ह बौद्ध उपासक लिसें दाता भाइराजा साहु (द्रव्यमान सिंह तुलाधर)या अन्त्यष्टी जूगु दु । मदुम्ह तुलाधरया अन्त्येष्टि बुधवाः थनया कर्णदीपय् जूगु खः। वय्रकः मंगलवाः सनिलय् मदुगु खः । ९१ दँ दुम्ह भाइराजा साहु नेपाःया बुद्ध शासनयात चीरस्थायी यायेगु ज्याय् आपालं ग्वाहालि याना वयाच्वनादीम्ह खः । वय्कलं नेपालय् थीथी विहार दयेकेगु निंतिं नं ग्वाहालि यानादीगु दु । छुं ई न्ह्यवंनिसें म्हं मफयाः वय्कः मेडिसिटी अस्पतालय् वासः याका च्वनादीगु खः ।

वय्कःया जहान लिसें निम्ह काय व छम्ह म्ह्याय् दी । वय्कः नेपालभाषाया नांजाःम्ह साहित्यकार रीना बानिया तुलाधरया ब्वाःजु नं खः ।
थ्वहे झ्वलय् उपासक भाइराजा साहु मदुगुली थनया धर्मकीर्ति विहारं बिचाः हायेकूगु दु ।