निम्ह तिपु सिनाच्वंगु अवस्थाय् लुत

येँ – यलया लुभुइ निम्ह तिपू सिनाच्वंगु अवस्थाय् लूगु दु । स्थानीय रमेश खड्काया छेँय् फ्याल्ट बालं कयाः च्वनाच्वंपिं सागर पोखरेल व वय्कःया जहान निर्मला पोखरेल सिनाच्वगु अवस्थाय् लूगु खः । महानगरीय प्रहरी परिसर, यलया कथं कोठा बन्द जुयाच्वंगु अवस्थाय् निम्हेसिया शव लूगु खः । सिम्ह लिसे सल्फस नांया विषया बट्टा नं लूगुलिं आत्महत्या याःगु आशंका प्रहरीं याःगु दु । प्रहरीया कथं पोखरेल भेटनरी सामानया सप्लायर खःसा उमि दथुइ वंगु न्याला न्ह्यः जक इहिपा जूगु खः ।

पोखरेलया तिपू लिसे मां अबु नं नापं च्वनेगु यानाच्वंगु खः । तर उपिं बालकोटय् च्वंगु म्ह्याय्या छेँय् वनाच्वगु इलय् उगु घटना जूगु खः । आइतवाः सुथय् तक सम्पर्क जूसां नं सोमवाः सुथय् फोन मल्ह्वनेवं सिपिं च्वनाच्वंगु छेँय् वनाः स्वयेगु झ्वलय् घटनाया बारे सिउगु खँ धाःगु दु ।

सम्बन्धित बुखँ

LEAVE YOUR COMMENTS