साहित्यकार प्रधानया निगू सफू पिदन

येँ -साहित्यकार रीतादेवी प्रधानं च्वयादीगु बाखं मुना व हाइकु मुना सफू पिदंगु दु । साहित्यकार प्रधानं च्वयादीगु बाखं मुना सफू ‘तापालय् थ्वःगु सः’ व हाइकु मुना सफू ‘फय् वःगु लँय्’ वंंगु बुधवाः छगू ज्याझ्वःया दथुइ पितब्वज्या जूगु खः ।

सिर्जना अभियान समाज व नेवाः हाइकु ख्यःया ग्वसालय् लोक साहित्य परिषद्या भवनय् जूगु ज्याझ्वलय् मूपाहांकथं झायादीम्ह वाङ्मय शताब्दीपुरुष सत्यमोहन जोशीं निगुलिं सफूया पितब्वज्या यानादीगु खः ।

नेवाः हाइकु ख्यःया कजि सुरेश प्रधान यलया सभापतित्वय् जूगु ज्याझ्वलय् पाहांकथं झायादीपिंप्राज्ञ ध्रुव मधिकःमि, साहित्यकारपिं डा. पुष्पराज राजकर्णिकार, शाक्य सुरेन, तुयू पुं, समालोचक पूर्णकाजी ताम्राकार, लिसें अमेरिकाय् च्वनादीम्ह च्वमि प्रधानं भर्चुअल माध्यमं थःथःगु नुगःखँ तयादीगु खः ।