स्वयंसेवी रक्तदाता समाजया डोटी जिल्ला शाखा गठन

येँ-  नेपाल स्वयंसेवी रक्तदाता समाज डोटी जिल्ला शाखा गठन याःगु दु । दिपायल सिलगुढी नगरपालिकाया कार्यकक्षय् जूगु डोटी जिल्लास्तरीय भेलां समाजया जिल्ला शाखा गठन याःगु खः ।
समाजया आजीवन दुजः जगदीश केसीया सभापतित्वय् केन्द्रीय अध्यक्ष पे्रमसागर कर्माचार्यया प्रमुख आतिथ्यताय् हिदान व हिया सहज आपूर्ति सम्बन्धी छगू अन्तक्र्रिया ज्याझ्वः यासें समाजया जिल्ला शाखा नं गठन याःगु खः ।

भेलां स्वयंसेवी हिदाता सुशिल घर्तीया अध्यक्षताय् डोटी जिल्ला शाखा गठन याःगु खः । नवगठित जिल्ला शाखाय् प्रशिस महरा उपाध्यक्ष, विजयराज श्रेष्ठ सचिव, बिस्ना केसी कोषाध्यक्षय् च्वनादीगु दुसा धर्मराज जोशी, नरेश मलासी, शेरबहादुर बोगटी, खेमराज गुरुङ, उत्तम खड्का, अभिषेक केसी, अमित अमात्य, रामचन्द्र भट्ट व प्रकाश केसी दुजलय् च्वनादीगु दु ।

उगु इलय् निःशुल्क वाया शिविर नापं हिदान ज्याझ्वः नं जूगु खःसा समाजया केन्द्रीय अध्यक्ष कर्माचार्यं १६८ क्वः हिदान यानादीगु खः । ज्याझ्वलय् दिपायल सिलगुढी नगरपालिकाया प्रमुख मञ्जु मलासी, शिखर नगरपालिकाया प्रमुख सीताराम जोशी, समाजया आजीवन दुजःलिसें डोटेली काठमाडौं समाजया अध्यक्ष जगदीश केसी, प्रमुख जिल्ला अधिकारी शंकर विष्ट पाहांकथं झायादीगु खः ।

नेपालभाषा टाइम्स

च्वमिया मेमेगु

• निम्ह साहित्यकारया थौं बिचाः मुँज्या
• एमालेया संकल्प यात्रायात पहिचानवादीया हाथ्या
• शरणार्थी काण्डय् गुम्हेसित कुना हे तइगु
• भाषा विधेयक राजपत्रय् पिहां वल
• रुसी सेनाय् नेपाःमि बारे अध्ययन समिति