नेपालभाषाया न्हापांम्ह पीएचडी डा. जनकलाल वैद्य मंत

येँ – नेपालभाषाया माध्यमं विद्यावारिधि (पी.एचडी) यानादीम्ह नांजाःम्ह विद्वान डा. जनकलाल वैद्य मंत । वय्कः म्हीग शनिवाः कुन्हु मदुगु खः । डा. वैद्यं नेपालभाषाया प्राचीन काव्य प्रवृत्ति विषयय् विद्यावारिधि यानादीगु खः । वय्कलं नेपालभाषां हे च्वयाः थःगु शोधग्रन्थ तयार यानादीगु खः । उकिं वय्कःया शोधयात नेपालभाषाया ऐतिहासिक ग्रन्थया रुपय् कायेगु याः ।

अथे हे वय्कलं ख्वपया न्यातपौ देगः निर्माण जूबलय्सिया सम्पूर्ण दस्तावेज संकलन यानाः मेगु ऐतिहासिक सफू नं तयार यानादीगु खः । थ्व बाहेक वय्कःया नेपालभाषाय् आपालं अनुसन्धानात्मक च्वसुत नं पिहां वःगु दु । वय्कःया सम्पादनय् नेपालभाषाया दँपौ ‘खेलुइताः’ नं ताःई तक पिहां वःगु खः ।

नेपालभाषा ख्यलय् अनुसन्धान याःपिं आपाःसित हे गाइड जुयाः ग्वाहालि यानादीम्ह वय्कःया निधनं नेपालभाषाया अध्ययन अनुसन्धान ख्यलय् तःधंगु ह्याकिं वंगु महसुस याःगु दु ।

सम्बन्धित बुखँ

LEAVE YOUR COMMENTS