पूर्णचण्डी पुखूयात पुलांगु हे आकार बीगु

यल – थनया धार्मिक रुपं महत्वपूर्ण पूर्णचण्डी पुखूयात पुलांगु हे आकार बीगु जूगु दु । यल महानगर पालिकां धार्मिक दृष्टिकोणं महत्वपूर्ण पूर्णचण्डी पुखूयात पुलांगु अवस्थाय् हयेत्यंगु खः । यल मनपाया प्रमुख चिरिबाबु महर्जनं महानगरपालिकां पुखूयात पुलांगु हे स्वरुपय् लित हयेगु ल्याखं पुखूया निर्माण यायेगु तयारी यानाच्वंगु जानकारी बियादिल ।

वि.सं. २०२१ सालया नापीया इलय् कायम जूगु क्षेत्रफल हे कायम यानाः पुखू निर्माण यायेगु यल मनपां न्ह्यथंगु दु । पुखू निर्माणया निंतिं यल मनपां थुगु दँया बजेटय् छगू करोड न्यय्च्यागू लाख तका दां विनियोजन नं याःगु दु । यल मनपा प्रमुख महर्जनं वइगु दछिया दुने पुखू निर्माणया ज्या क्वचायेकेगु लक्ष्य दुगु जानकारी बियादीगु दु ।

आकिवं तकया दुने पुखूया ज्या सिधयेकेगु ल्याखं ज्या न्ह्यानाच्वंगु वय्कःया धापू दु । आः पुखू निर्माण याइगु इलय् उकिया जःखः क्यब नं दयेकेगु योजना मनपाया दु ।

सम्बन्धित बुखँ

LEAVE YOUR COMMENTS