पोर्चुगलय् बौद्ध शोभायात्रा याइगु

येँ – युरोपेली मुलुक पोर्चुगलय् विश्व शान्तिया न्ह्यलुवा भगवान बुद्धया २५६२ क्वःगु बुदिंया लसताय् थीथी ज्याझ्वः याइगु जूगु दु । भगवान बुद्ध व बुद्ध भूमि नेपाःया प्रचार प्रसार यायेगु ताः तयाः नेपाली संघसंस्थात जानाः थीथी ज्याझ्वः नापं बुद्ध जयन्ती हनेत्यंगु खः ।

पर्यटन दूत रमेशकुमार गुरुंगया कथं बैशाख १७ गते राजधानी लिस्बनय् शोभा यात्रा नं याइगु जूगु दु । नेपाली बाजं, बुद्धया मूर्ति, बुद्धया तस्वीर व प्लेकार्ड ब्यानर सहित नेपाःया राष्ट्रिय ध्वाँय् व झाँकी दुगु उगु ¥यालीइ नेपाली, लामा, स्वदेशी व विदेशी बौद्ध अनुयायीतय्सं ब्वति काइगु खँ धाःगु दु ।

रोसियाय् च्वंगु समुन्द्र किनारं शोभा यात्रा सुरु जुयाः मू सतक चाःहिलाः मार्तिनमुनिज पार्कय् क्वचाइ । ¥याली लिपा सिण्डिकेट हलय् गुरुपाखें बुद्धया पाठ पूजा याकीगु ज्याझ्वः क्वःछिनातःगु दु ।