मनपाया ज्याकू भवन निर्माण शुरु

येँ-येँ महानगरपालिकाया थःगु हे मू ज्याकू भवन दयेकेगु ज्या म्हिगः–निसें न्ह्यात । थनया येँ मनपा १२ वडास्थित टेकुइ च्वंगु करिब ६ रोपनी जग्गाय् थ्व भवन दयेकेत्यंगु खः ।

म्हिगः पचिम¥हः कुन्हु छगू ज्याझ्वःया दथुइ येँ मनपाया मेयर विद्यासुन्दर शाक्य लिसें उपमेयर हरिप्रभा खड्गी श्रेष्ठं न्हूगु ज्याकू भवनया शिलान्यास यानादिल ।

ज्याझ्वलय् न्ववासें मेयर शाक्यं थ्व भवन निर्माण लिपा थौंकन्हय् च्यागू गुंगू थासय् छरे जुयाच्वंगु मनपाया फुक्कं विभागत छथाय् हयाः जनतायायात अःपुक सुविधा बी फइगु खँ कनादिल ।

मनपाया हरि भवनय् च्वंगु भवन थुने दइ मखु धकाः सर्वोच्च अदालतं आदेश बियाहःगुलिं मनपां अन मू ज्याकू भवन मदयेकुसे टेकुइ दयेकेगु निर्णय याःगु खः ।