धर्नाय् ज्वंपिंत सार्वजनिक मुद्दा तयेगु तयारी

येँ – सतक विस्तार पीडितपाखें जूगु धर्नाया झ्वलय् ज्वंपिंत सार्वजनिक मुद्दा तयेगु तयारी यानाच्वंगु दु । धर्नाया झ्वलय् प्रहरीं झिंप्यम्हेसित ज्वना यंकूगु खः । ज्वनायंकूपिं बानेश्वर प्रहरी परिसरय् तयातःगु दुसा उपिं मध्ये निम्हेसित सार्वजनिक मुद्दा तयेगु खँ प्रहरीं धाःगु दु ।

ज्वना यंकूपिंत त्वःतकेगु निंतिं झायाच्वनादीम्ह सांसद राजेन्द्र श्रेष्ठं प्रहरीं निम्हेसित सार्वजनिक मुद्दा तयेगु धाःगु, तर उपिं सु सु खः धयागु जानकारी मबिउनिगु खँ धयादीगु दु । निम्हेसित सार्वजनिक मुद्दा तयेगु धायेवं ज्वनातःपिं मेपिं नं सुं नं पिहां वयेमखु धकाः प्रहरी परिसरय् हे च्वनाच्वंगु दु ।

प्रहरीं ज्वनायंकूपिंत त्वःतकेगु निंतिं सांसद श्रेष्ठ लिसें अधिवक्ता शंकर लिम्बु, सुमन साय्मि व तीर्थराम डंगोलपिं वानेश्वर प्रहरी परिसरय् च्वनाच्वंगु दु । सांसद श्रेष्ठं ज्वनातःपिंत त्वःकेगु निंतिं गृहमन्त्री रामबहादुर थापालिसे नं खँ जूगु जानकारी बियादीगु दु ।

‘वय्कलं याकनं त्वःताबीगु खँ धयादीगु, तर अय्सां सुयातं त्वःतूगु मदुनि’ सांसद श्रेष्ठं कनादीगु दु ।

ज्वंपिनि नांधलः
१) रमेशमान पिया
२) गौतम मानन्धर
३) पवित्र कसाः
४) जोगबहादुर महर्जन
५) कृष्ण मानन्धर,
६) महेश कारंजित
७) गणपतिलाल श्रेष्ठ
८) श्यामकृष्ण प्रजापति
९) स्वयम्भुरत्न (जुजुभाई) मानन्धर
१०) उत्तमकुमार वज्राचार्य
११) विष्णुभक्त महर्जन
१२) राविन पाण्डे
१३) मोहन बस्नेत
१४) नां सीमदुनि

घाःपाः जूपिं
१) विद्या श्रेष्ठ
२) विजयरत्न असंबरे
३) रुपेन्द्र श्रेष्ठ ‘थक्वाः’
४) वाङ्जु वाइवा
५) कृष्णभक्त महर्जन
६) महेन्द्र कृष्ण डंगोल