थौं तलेजु भवानी कुहां बिज्याकीगु

येँ – मोहनि नखःया झ्वलय् थौं थनया हनुमानध्वाखा स्थित तलेजु देगलय् च्वंम्ह तलेजु द्यःयात कुहां बिज्याकीगु जूगु दु । थौं सुथसिया ६ः५१ बजेया साइतय् तलेजुयात कुहां बिज्याइगु ग्वसाः दु । थौं सप्तमि कुन्हु द्यःयात कुहां बिज्याकीसा कन्हय् अष्टमि कुन्हु चान्हय् अन म्येय्, दुगु आदि बलि बीगु ज्या जुइ ।

अथे हे नवमि कुन्हु तलेजुया देगः सर्वसाधारणया लागिं चायेकी । तलेजु देगः दछिया थ्वहे छन्हु जक सर्वसाधारण मनूतय् लागिं खुल्ला याइ । अष्टमि कुन्हु चान्हय् श्री कुमारीयात नं तलेजुइ बिज्याकाः पुजाआजा यायेमाःगु चलन दु ।

थौं सप्तमि कुन्हु मोहनिया लसताय् शाहवंशीय जुजुपिनि गोर्खा दरवारं फूलपाती हयेगु नं चलन दु । शाहवंशीय जुजुपिं मदयेधुंकूसां उमिगु पुर्खौली लाय्कूया स्वां येँय् हयेगु चलन धाःसा दनि ।

सम्बन्धित बुखँ

LEAVE YOUR COMMENTS