ने. सं. ११४३ तछलाथ्व द्वादशी -

थुगुसी न्हूदँ नं तःजिक न्यायेकीगु

येँ -कोरोना महामारीया कारणं यानाः थगुने नेपाल संवत्या न्हूदँया ज्याझ्वः स्थगित जूगु खःसां थुगुसी धाःसा ज्याझ्वः स्थगित मयासे तःजिक न्यायेकीगु जूगु दु । न्हूदँ समारोह समिति व्यवस्थापन पुचःया म्हिगः च्वंगु मुँज्यां थ्व निर्णय याःगु खः।

व्यवस्थापन पुचलं नेपाल संवत् ११४२ न्हूदँ ज्याझ्वः तःजिक हनेगु लागिं माःगु तयारी यानाः वनेगु निर्णय नं याःगु दु । लिसें थुकिया लागिं न्हूगु न्हूदँ समारोह समिति नीस्वनेगु समेत निर्णय मुँज्यां याःगु दु ।

न्हूदँ ११४१ या नायः रमेश महर्जनया सभापतित्वय् जूगु उगु मुँज्यां थ्व निर्णय याःगु खः । मु“ज्यां कोरोना संक्रमणया दथुइ नं सामाजिक दूरी व नेपाल सरकारं जारी यानातःगु स्वास्थ्य मापदण्ड पालना यासें थुगु द“या न्हूद“ ११४२ हनेगु निर्णय याःगु खः ।

न्हूदँ ज्याझ्वः न्ह्याका यंकेगु लागिं न्हूदँ समारोह समिति–११४२ नं नीस्वनीगु जूगु दु । उकिया लागिं समारोह समिति कन्हय् बिहिवाः ये“या नेपाः ब्यांक्वेटय् छगू मुँज्या च्वनेगु खँ धाःगु दु । उगु हे मुँज्याय् थीथी खलः पुचःपाखें निम्ह निम्ह प्रतिनिधि दुथ्याकाः समारोह समिति–११४२ नीस्वनीगु खँ धाःगु दु ।

थुगुने ने.सं. ११४१ कोरोना संक्रमणया कारणं यानाः बसन्तपुली भिंतुना सभा व सांस्कृतिक ¥याली स्थगित याःगु खः । उकिया पलेसा नेपाः ब्यांक्वेटय् बःचाधंगु सभा जक याःगु खःसा जगत सुन्दर ब्वनेकुथिइ सांस्कृतिक ज्याझ्वः व लखुतीर्थय् शंखधर दिवस न्यायेकूगु खः । व स्वयां न्ह्यः नेपालभाषा व न्हूदँ आन्दोलनया न्ह्यलुवा पद्मरत्न तुलाधर मदुगु दुःखय् शोक स्वरुप बसन्तपुली तःधंगु सांस्कृतिक ¥याली मयाःगु खः ।

थुगुसी धाःसा कोरोना महामारीया दथुइ सरकारं आपालं मनूतय्त खोप बीधुंकूगु लिसें थीथी जात्रापर्वत नं सुचारु जुइधुंकूगु खँयात ध्यानय् तयाः न्हूदँया ज्याझ्वःत नं छसिकथं न्ह्याका यंकेगु निर्णय न्हूदँ समितिं याःगु खँ धाःगु दु ।