जर्मनीया चुनावय् एसपिडी त्यात

एजेन्सी- जर्मनीइ जूगु संघीय चुनावय् सेन्ट्रल लेफ्ट सोसियल डेमोक््रयाट्स पार्टी (एसपिडी) त्याःगु दु । चान्सलर एन्जेला मर्केलया पार्टी क्रिष्टियन डेमोक््रयाटिक युनियन (सिडियु) निगूगु थासय् वःगु दु । बिबिसीं बिउगु जानकारीकथं चुनावया अन्तिम चरणया मतगणनाय् एसपिडीं २५.७ प्रतिशत मत हःगु दुसा सत्तारुढ पार्टी सिडियुं २४.१ प्रतिशत मत हःगु दु । स्वंगूगु थासय् ग्रिन पार्टी दु । ग्रिन पार्टीं १४.८ प्रतिशत मत हःगु दु । ग्रिन पार्र्टीया इतिहासय् थ्व दकलय् अप्व मत खः । मतगणनाया लिच्वः लिपा जर्मनीइ गठनबन्धन सरकार गठन जुइग निश्चित जूगु दु ।

एसपीडीं जर्मन जनतां बांलाःगु सरकार दयेकेत थःपिंत मत बिउगु धाःगु दु । न्हूगु सरकारया नेतृत्व थःपिनिगु पार्टीं यायेगु नं एसपीडीया नेता ओलाफं धाःगु दु । सिडियुं सुयातं स्पष्ट बहुमत मवःगुलिं चुनावय् सुं नं मत्याःगु धाःगु दु । सिडियुं थःपिंसं हे नेतृत्व यायेगु धयाच्वंगु दु । निगुलिं पार्टीया दथुइया मत अन्तर कम जक जूगुलिं निगुलिं पार्टीं नेतृत्वया दाबी यानाच्वंगु खः । चान्सलर एन्जेला मर्केलं प्यंगूगु कार्यकाल तक नेतृत्व याःगु खः ।

सम्बन्धित बुखँ

LEAVE YOUR COMMENTS