थौं मिसापिंसं जक रथ सालीगु

येँ- थौं यँयाः पुन्हिया लिपांगु न्हि । थौं श्री कुमारी रथयात्राया नानीचायाः खः । थौं मिसापिंसं जक कुमारीया रथ सालाः याः न्यायेकी । मिसापिंसं जक रथ सालेगु लागिं थौं आवश्यक तयारी लिसें नियम समेत दयेकूगु दु । थौं रथ सालेत वइपिं मिसापिंसं पर्सि मसिँसे कुर्ता वा पाइन्ट न्ह्याना वये माःगु, तिनसुज लाकां न्ह्याना वये माःगु, सँ फंफं त्वःता वये मजिउगु, तिसां तिया वये मजिउगु, रथ सायेकीम्ह महानेया निर्देशन कडा रुपं पालना याये माःगु, लाखे पुलुकिसि द्यःपिं बिज्याइबलय् दर्शन यायेमाःगु, म्वाःमदुगु नारा थ्वयेके मदइगु, धार्मिक आस्था जूगुलिं थी मजिउ जूपिं सहभागी जुइ मदइगु आदि नियम दयेकूगु दु ।

रथ सालेगु ज्यायात व्यवस्थित यायेगु लागिं बिस्कं टीशर्टया व्यवस्था याःगु दुसा सकलें टीशर्ट पुनाः वयेमाःगु नियम नं दयेकूगु दु ।

थौं कुमारी रथ साले क्वचायेकाः राष्ट्रप्रमुखपाखें कुमारीया ल्हातिं सिन्हः तीगु परम्परा दु । थौं हे बहनी यःसिं नं क्वःथली । यःसिं क्वःथलेवं थुगु दँया यँयाः पर्व सम्पन्न जुइ ।