पुलांगु बुद्ध मूर्तिलिसें छम्हेसित ज्वन

येँ – महानगरीय प्रहरी परिसर येँय् नं पुलांगु बुद्ध मूर्तिलिसें छम्हेसित ज्वंगु दु । प्रहरी परिसर येँया छगू पुचलं विशेष सूचनाया लिधंसाय् दिलबहादुर ल्योले (३९ दँ)यात ज्वंगु खः । प्रहरीं स्वयम्भू, सीतापाइला व भगवानपाली आदि थासय् पुरातात्विक महत्वया पुलांगु मूर्ति न्याये–मी यायेगु नापं कारोबार यायेगु ज्या जुयाच्वंगु धइगु विशेष सुचंया आधारय् सिन्धुलीया ल्योलेयात वंगु शनिवाः ज्वनाः सार्वजनिक याःगु खः ।

पुलांगु बुद्ध मूर्तियात झोलाय् तयाः सुचुकाः हयाच्वंगु अवस्थाय् वयात ज्वंगु खः । ल्योलेयात शंका वनाः छानविन याःगु इलय् वयागु म्हिचां पुलांगु पुरातात्विक महत्वया स्वम्ह बुद्ध मूर्तिलिसें वयात ज्वंगु खः । थ्व हे झ्वलय् प्रहरी पुचलं भंसार छले यानाः लुँ ज्वना वयाच्वंगु धासें छम्हेसित ज्वंगु दु ।

सम्बन्धित बुखँ

LEAVE YOUR COMMENTS