ओलीं बाह्य शक्तिया न्ह्यःने पुलिं चूगु द्वपं

येँ – नेकपा एमालेया माधव नेपाल पुचलं प्रधानमन्त्री लिसें पार्टी अध्यक्ष केपी ओलीं बाह्य शक्तिया न्ह्यःने पुलिं चूगु द्वपं बियादीगु दु । प्रधानमन्त्री ओलीया कारणं हे संविधान, लोकतन्त्र, संसद, राष्ट्रिय स्वाधीनता व स्वाभिमान रक्षाया नितिं वामपन्थी व लोकतन्त्र पक्षधर लिसे थःपिंसं सहकार्य यायेमाःगु धासें संसद भंग विरुद्ध सर्वोच्चय् रिट निवेदनं हस्ताक्षर लित मकायेगु खँ नं स्पष्ट याःगु दु । वंगु शनिवाः च्वंगु नेपाल पुचःया स्थायी कमिटीया बैठकं उगु निर्णय याःगु खः ।

बैठकय् पार्टी एकताया लागिं थःपिसं कुतः यानागु खःसां नं पार्टी अध्यक्ष लिसें प्रम ओलीं धाःसा वार्ताया नामय् दाउपेच म्हिताच्वंगु धासें पार्टी एकताया नितिं थःपिंसं लिखित रुपं बियागु पतिइ न्ह्यथनातयागु खँ गबलय् तक विश्वसनीय रुपं पूवंकी मखु उगु इलय् तक वार्ता केवल ई छ्यायेगु खँ जक जुइ धकाः नं धाःगु दु ।

सम्बन्धित बुखँ

LEAVE YOUR COMMENTS