मन्त्री शाक्ययात भिंतुना देछा
येँ – बागमति प्रदेशया नवनियुक्त आन्तरिक मामिला व कानून मन्त्री डा. अजयक्रान्ति शाक्ययात भिंतुना देछाःगु दु । नेपाल परम्परागत बौद्ध धर्म संघ कान्तिपुर शाखापाखें वंगु मंगलवाः थनया छुस्याबहाःस्थित गुणाकर महाविहारय् छगू ज्याझ्वःया दथुइ मन्त्री डा. शाक्ययात भिंतुना देछाःगु खः ।
पंचशील प्रार्थना यासें न्ह्याःगु ज्याझ्वलय् नवनियुक्त मन्त्री शाक्ययात नेवाः परम्पराकथं धौं सगं देछासे खादा क्वखायेकाः भिंतुना देछाःगु खः । ज्याझ्वलय् संघया कान्तिपुर शाखाया नायः क्याप्टेन चन्द्रबहादुर शाक्यं चीभाःद्यः नं लःल्हानादीगु खः ।
ज्याझ्वलय् नेपाल परम्परागत बौद्ध धर्म संघया केन्द्रीय नायःलिसें बौद्ध विद्वान प्रा. डा. नरेशमान वज्राचार्यं, नवनियुक्त मन्त्री डा. शाक्य, कान्तिपुर शाखाया नायः क्या. शाक्य लगायतं नुगःखँ तयादीगु खः ।
LEAVE YOUR COMMENTS