नेता जोशीया स्वास्थ्य अतिकं गम्भीर

येँ – नेपाली कांग्रेसया नेता नविन्द्रराज जोशीया स्वास्थ्य अवस्था अतिकं जटिल जूगु खँ नर्भिक अस्पतालं धाःगु दु । अस्पतालपाखें म्हिगः छगू विज्ञप्ति पिकासें वय्कःया बारे भ्रामक खँ पिहां वःगुलिं उकिया खण्डन याःगु दु । विज्ञप्तिइ धयातःकथं भाजु जोशीयात आः पूर्ण भेन्टिलेटरय् तयाः वासः याकातःगु दुसा वय्कःया स्वास्थ्य गम्भीर स्थितिइ लानाच्वंगु दु ।

छुं न्हि न्ह्यः वय्कःया स्वास्थ्यय् सुधार जूगु खःसां लिपा हानं स्यनावंगु खः ।

थ्वहे दथुइ प्रेस काउन्सिलं नेता जाेशी मंत धकाः थीथी मिडियाय् वःगु समाचारयात कयाः थःपिनि गम्भीर ध्यानाकर्षण जूगु खँ धाःगु दु । काउन्सिलया सूचना अधिकारी रामशरणा बाेहरां हस्ताक्षर यानातःगु वक्तव्यय् पत्रकार व संचार माध्यमतय्रसं जिम्मेवारीबाेध मयासे हल्लाया भरय्र तथ्यहिन पुष्टि मजूगु समाचार सम्प्रेसन याःगुलिं अज्यागु संचार माध्यमयात कारवाही प्रकृया न्ह्याागु व सामाजिक संजाल पाखे पाेष्ट याःपिं पत्रकारतय्त सचेत यानागु खँ न्ह्यथनातःगु दु ।