पेरुया विद्रोही नेता अबिमाइल गोन्जालो मंत

एजेन्सी- पेरुया विद्रोही व क्रान्तिकारी नेता अबिमाइल गोन्जालो शनिवाः सनिलय् ८६ दँया वैंशय् पेरुया सैनिक अस्पतालय् मंत । नेता गोन्जालो पेरु माओवादी आन्दोलन साइनिङ पाथया नेता खः । सन् १९९२ निसें आतंकवाद व देशद्रोहया मुद्दाय् गोन्जालो जेलय् लानाच्वंगु खःसा वंगु जुलाई निसें स्वास्थ्य समस्या वःगुलिं गोन्जालोयात अस्पतालय् भर्ना यानातःगु खः । गोन्जालोयात छ्यंगूया क्यान्सर जूगु अन्तर्राष्ट्रिय सञ्चार माध्यमतय्सं धाःगु दु ।

गोन्जालो पेरुया कम्युनिस्ट पार्टी साइनिङ पाथया नायः खः । सन् १९९२ य् पेरुया फुजिमारो सरकारं गोन्जालोयात आजीवन जेलया सजाय बिउगु खः । पेरुइ गोन्जालोया माओवादी पार्टी व सरकारी सुरक्षाकर्मी दथुइ जूगु युद्धय् ७० द्वः सिबें अप्वः मनूत सीगु वा बेपत्ता जूगु खः ।

सम्बन्धित बुखँ

LEAVE YOUR COMMENTS