कोरोना भाइरस चीनं दयेकूगु प्रमाण मदु

जेनेभा (एएफपी) – वर्ल्ड हेल्थ अरगनाइजेसनं (डब्लूएचओ) कोरोना भाइरस चीनया प्रयोगशालाय् दयेकूगु अमेरिकी दाबीया तिनिं वासिङटनं प्रमाण पेस याये मफूगु धा:गु दु ।

थ्वयां न्ह्य: अमेरिकी राष्ट्रपति डोनाल्ड ट्रम्पं थ्व भाइरसं चीनया प्रयोगशालाय् दयेकूगु सनसनीपूर्ण दाबी याना दिगु ख: । डब्लूएचओया निर्देशक मिखेल रायनं धयादिगु दु, ‘अमेरिकां थ:गु दाबी पुष्टि यायेत छुं नं प्रकारया तथ्यांक अथवा प्रमाण पेस यायेफूगु मदु ।’ वैज्ञानिकतय्सं धा:सा थ्व कोरोना भाइरस जनावरपाखें मनूपाखें थ्यंगु अनुमान याना च्वंगु दु । थगुने चीनय् न्हापांगु पालय् थ्व भाइरस लूगु ख: । वुहानय् लाया नितिं जनावर मिगु बजारं थ्व भाइरस मनूपाखें थ्यंगु विश्वास दु ।