नासां शुक्र ग्रहया अध्ययनया निंतिं निगू अभियान न्ह्याकीगु

एजेन्सी- अमेरिकाया अन्तरिक्ष सम्बन्धी संस्था नासाें शुक्र ग्रहय् अन्तरिक्ष मिसन छ्वयेगु घोषणा याःगु दु । नासां थ्व दशकया अन्त्य तकया दुने निगू मिसन शुक्र ग्रहय् छ्वयेगु धाःगु खः ।
शुक्र ग्रह लिक्कसं लाःगु पृथ्वी जीवन्त जुयाच्वंसां शुक्र धाःसा छाय् मिग्वारा जुयाच्वंगु धयागु सिइकेगु निंतिं नासां थ्व अभियान सुरु याःगु खः ।

नासायात थ्व अभियानया झ्वलय् छगू अभियानया निंतिं ५० करोड डलर सरकारपाखें चूलाइ । सन् २०२८ व २०३० या दथुइ थ्व मिशन शुक्र ग्रहय् वनीगु खँ धाःगु दु ।
बशुक्र अभियान घोषणा यानाः नासा प्रमुख नेल्सनं धाःगु दु, ‘थ्व निगू अभियानं खा तक नाया वनीगु सतह दुगु शुक्र ग्रह गुकथं मिग्वारा जूवन धयागु बारे अध्ययन याइ । सूर्य लिपा निगूगु थासय् लाःगु शुक्र ग्रह सौर्यमण्डलया हे दकलय् ग्वाःगु ग्रह खः । थनया सतहया तापक्रम हे ५०० डिग्री सेल्सियसया जुइ ।

सम्बन्धित बुखँ

LEAVE YOUR COMMENTS