ब्राइट बचतया स्थापना दिवस व सम्मान ज्याझ्वः

येँ – थनया बागबजारय् च्वंगु ब्राइट बचत तथा ऋण सहकारी संस्था लि.या २२ क्वःगु स्थापना दिवस छगू ज्याझ्वःया दथुइ जुल । बागबजारय् च्वंगु होटल हार्दिकय् जूगु ज्याझ्वः संस्थाया अध्यक्ष रामइन्द्र न्यौपानेया सभापतित्वय् जूगु खः ।

ज्याझ्वलय् मूपाहांकथं झायादीम्ह राष्ट्रिय सहकारी महासंघया निवर्तमान अध्यक्ष केशव बडालं नेपाल स्वयंसेवी रक्तदाता समाजया केन्द्रीय अध्यक्षलिसें शतक रक्तदाता प्रेमसागर कर्माचार्य, सहकारी संस्थाया संस्थापक विनोद गिरी व नवराज केसीयात नं हनेज्या याःगु खः ।

सम्मानित व्यक्तित्वपिंत मूपाहांपाखें हनापौ लःल्हानाीगु खःसा संस्थाया अध्यक्षपाखें स्वांमाः क्वखायेकाः सल न्ययेकादीगु खः । सम्मानित व्यक्तित्वमध्ये कर्माचार्ययात संस्थाया प्रबन्ध निर्देशक लक्ष्मण न्यौपानें न्यय्द्वः तका दां नं लःल्हानादीगु खः ।

ज्याझ्वलय् होटल हार्दिकया संचालकलिसें कश्मिरा बचत तथा ऋण सहकारीया अध्यक्ष रमेशप्रसाद पाण्डे, बालकुमार बास्तोला, सन्तोष पाण्डे सुरेश घिमिरे लगायत पाहांकथं झायादीगु खः ।