ने. सं. ११४६ अनलाथ्व चतुर्दशी -

ओयोया सञ्जाल नेपाःया झिगू शहरय्

येँ – होटलतय् सञ्जाल ओयो नेपाःया झिगू शहरय् थःपिनिगु सेवा विस्तार याःगु दु । दक्षिण एशियाया हे दकलय् तःधंगु सञ्जाल ओयो होटल्स व होम्सं येँ धुंकाः पोखरा, धुलिखेल, ख्वप, नगरकोट, चितवन, विराटनगर, हेटौंडा, नेपालगञ्ज व धनगढीइ थःगु सञ्जाल विस्तार याःगु खः । ओया सञ्जालय् नेपालय् जक आः निसः स्वयां अप्वः होटल व ३४०० स्वयां अप्वः क्वथा दुथ्याःगु खँ धाःगु दु ।

थःपिनि सेवा झिगू शहरय् थ्यंगु लसताय् छगू विज्ञप्ति पितबिसें आयो होटल्स व होम्सया प्रमुख कार्यकारि अधिकृत आदित्य घोषं भारत व दक्षिण एशियाया निंतिं १४०० करोड लगानी यानागु धासें नेपाः रणनीतिक बजार जूगुलिं थनया हरेक प्रकारया अचल सम्पत्तिइ महत्व थप यानाः नेपाःया आतिथ्य उद्योगयात हिउपाः हयेत मेहनत यानाच्वनागु खँ धाःगु दु । ओयोया कथं थ्व सञ्जालय् आवद्ध जूगु होटलत्सं म्होतिं नं ६५ प्रतिशत अकुपेन्सी कायेखनाच्वंगु दु ।