नेपालभाषाया न्हूगु म्येँलिसें म्युजिक भिडियो

येँ – नेपालभाषाया न्हूगु म्येँ ‘गन वनेत्यना मय्जु गाच्वः ब्वयेका’ पिहां वःगु दु । थुगु म्येँलिसें म्युजिक भिडियो नं पिहां वःगु दु । न्हूम्ह म्येँ हाला िरत्न सम्भव शाक्यया सलय् दुथ्यानाच्वंगु थुगु म्येँ अमृतरत्न शाक्यं च्वयादीगु खःसा सुरेनशमान शाक्यं लसय् हनादीगु खः ।

थुगु म्येँ छुं दिं न्ह्यः जक भ्वतय् शुटिंग याःगु खः । म्युजिक भिडियोय् नांजाःम्ह कलाकार सुरेन्द्र महर्जनलिसें न्हू प्रतिभाया रुपय् रचना डंगोलं अभिनय यानादीगु दु ।
हाइलाइट्स नेपालं यु–ट्युबपाखें पित हःगु म्येँ न्हूगु सवाःया बिस्कं पह दुगु व म्युजिक भिडियायेय् जीपलाइनया दृश्य दुथ्याकातःगु दु ।

म्युजिक भिडियोया निर्देशन, कोरियोग्राफी व सम्पादन सुरेन्द्र महर्जनं यानादीगु खःसा छायांकन शैलेश श्रेष्ठ‘लुभुं’ यानादीगु खः ।