काबुल विमानस्थलय् आतंकवादी आक्रमण जुइफुगु ख्याच्वः

एजेन्सी÷ काबुल विमानस्थलय् आतंकवादी आक्रमण जुइफुगु ख्याच्वः बिउगु दु । अमेरिका व बेलायतं थ्व ख्याच्वः बिसें थःपिनि नागरिकतय्त विमानस्थलय् मवनेत सतर्क नं याःगु दु । विमानस्थलय् आत्मघाती हमलाया सम्भावना दुगु अमेरिकां धाःगु दु ।

विमानस्थलय् आतंकवादी आक्रमण जुइफु धाःसां मनूत धाःसा विमानस्थलय् वनाच्वंगु हे दनि । विमानस्थलया छम्ह अधिकारीया धापूकथं मनूत ज्यान पानाः जूसां नं अफगानिस्तान त्वःतेत स्वयाच्वंगु दु । विमानस्थल दुने अमेरिका व बेलायतया सेनां नियन्त्रण कयातःगु दुसा विमानस्थलपिने तालिबानतय्गु कब्जा दु । तालिबानं आफगानी नागरिकतय्त विमानस्थलय् वनेत पनाच्वंगु दु ।

नेपालभाषा टाइम्स

च्वमिया मेमेगु

• जुगि जातया आवासया समस्या
• मेलम्चीया लः वइगु अझं अनिश्चित
• बँ पसः तयेके हे मबीगु बालेनया अडान
• फणीन्द्रयात सिद्धिदास सिरपाः
• इहिपा ज्याझ्वलय् मिं नयाः सछिम्ह मल्याकं सित