आः सापारु कुन्हु देय्न्यंकं बिदा

येँ -सापारु कुन्हु स्वनिगलय् जक यानातःगु बिदा आः देय्न्यंकंया नेवाः समुदाययात बीगु जूगु दु । थ्वहे वइगु भदौ ७ गते लाःगु सापारु (गाइजात्रा) कुन्हु आः देय्न्यंकं नेवाः समुदाययात बिदा बीगु निर्णय सरकारं याःगु खः । म्हिगः च्वंगु मन्त्रि–परिषद बैठकं थ्व निर्णय याःगु खः ।

सापारु कुन्हु स्वनिगलय् जक बिदा बीगु चलन यानातःगुली आः देय्न्यंकं हे बिदा बी माली धकाः म्हिगः हे नेवाःतय् राष्ट्रिय संगठन नेवाः देय् दबूपाखें प्रधानमन्त्री शेरबहादुर देउवायात ज्ञापन पौ बिउगु खः । नेवाः देय् दबूया नायः नरेश ताम्रकारया नेतृत्वय् वंगु छगू पुचलं प्रमयात उगु ज्ञापनपौ लःल्हानादीगु खः । लिसें सरकारं भदौ १४ गते कुन्हु कृष्ण जन्माष्टमिया नं सार्वजनिक बिदा बीगु निर्णय जूगु दु ।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत