सक्वया भाषासेवी श्रेष्ठया चिनाखँ सफू पिदन

यल- सक्वया भाषासेवी ई. राजदास श्रेष्ठया ‘गुम्सिएका कुराहरू’ नांया सफू हालय् पिदंगु दु । च्वमि श्रेष्ठं थःगु जीवनय् भोगे याःगु थीथी अनुभवयात कः घानाः चिनाखँया रुप बियाः उगु सफू पिथनादीगु खः ।

वाङ्मय शताब्दीपुरुष सत्यमोहन जोशीं छगू ज्याझ्वःया दथुइ उगु सफू पितब्वज्या यानादीगु खः । नवनिर्मित लोक साहित्य भवनय् जूगु ज्याझ्वलय्मूपाहां शताब्दीपुरुष जोशी उगु सफू पितब्वज्या यानादीगु खः ।

नीखुपु चिनाखँ दुथ्यानाच्वंगु सफुतिइ महाकवि गिरिजाप्रसाद जोशी व वाङ्मय शताब्दीपुरुष जोशीया नामय् तकं चिनाखँ दुथ्यानाच्वंगु दु । पितब्वज्या जूगु सफूयात कयाः आख्यानकार मथुरा साय्मि व गजल च्वमि रामेश्वर श्रेष्ठं समीक्षा यानादीगु ज्याझ्वलय् ज्याझ्वलय् च्वमि ई. श्रेष्ठ, मूपाहां जोशीलिसें थीथी व्यक्तित्वपिंसं नुगःखँ तयादीगु खः ।
पेशागत रुपं छम्ह प्राविधिक ख्यःया इन्जिनियर श्रेष्ठं स्वदेश व विदेशय् च्वनादीगु इलय् मुंकाः दीगु अनुभवयात कयाः चिनाखँया रुप बियाः सफू पिथनादीगुखः ।

थौंकन्हय् अवकाशया जीवन व्यतीत यानाच्वनादीम्ह भाषासेवी ई. श्रेष्ठ थःगु जन्मस्थान सक्वय् हे च्वनाः अग्र्यानिक खेतीलिसें भाषा ख्यलय् सक्रिय जुयाच्वनादीगु दु ।