छधाःप्याखं न्ह्याकेत एकेडेमिया पहल

येँ – सुस्त जुयाच्वंगु नेपालभाषाया छधाःप्याखं (नाटक) मञ्चन ज्याझ्वःयात हानं न्ह्याकेगु लागिं नेपालभाषा एकेडेमिं पहल शुरु याःगु दु । आः नेपालभाषाय् न्हापा थें हे छधाः प्याखंया धेंधेंबल्लाः यायेगु, सार्वजनिक प्रदर्शन यायेगु व नाटक ख्यःलिसे आवद्ध च्वमि, खलः पुचः व प्याखंम्वःतय्त सक्रिय यायेगु कथं एकेडेमिं ज्याझ्वः दयेकेगु तयारी यानाच्वंगु खँ सीदुगु दु  ।

थ्व झ्वलय् शुक्रवाः एकेडेमिं छधाः प्याखं च्वइपिं न्हूपिं व पुलांपिं च्वमिपिं लिसे छगू अन्तक्र्रिया यासें थःपिनि ग्वसाः बारे जानकारी याकूगु खः । लिसें थ्व अभियानयात ताःलाकेगु लागिं सकल प्याखं च्वमिपिंसं छधाःप्याखं च्वयाः ग्वाहालि यायेत नं इनाप याःगु खः ।

जनकवि दुर्गालाल श्रेष्ठया सभा–पतित्वय् जूगु उगु ज्याझ्वलय् सदस्य सचिव मल्ल के. सुन्दरं प्रदेश सरकारपाखें एकेडेमियात प्राप्त जूगु अनुदानपाखें थ्व ज्याझ्वः यायेत्यनागु जानकारी बियादीगु खः । आः वइगु जेष्ठ दुने छधाःप्याखं दबुली न्ह्यब्वयेगु खँ नं अन जूगु खः ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु