बेद प्रधान व प्रफुल्लमान प्रधान मंत

येँ – अमेरिकी नेवाःतय् संस्था नेवाः अर्गनाइजेसन अफ अमेरिकाया संस्थापक नायः भाजु वेद प्रधान मंत ।भाजु प्रधान ८४ दँया उमेरय् अमेरिकाया सिल्भर स्प्रिंगस मेरिल्याण्डय् मदुगु खः ।
अमेरिकाय् च्वंपिं नेवाः समुदाययात भाषा, कला, संस्कृति च्वन्ह्याकेगु ज्याय् आपालं हःपाः व सल्लाह बिया वयाच्वनादीम्ह वय्कःया सन् २०१४ य् अमेरिकाय् हे ज्या जंक्व जूगु खः ।

अथे हे यलया नांजाःम्ह शहरी योजनाकारलिसें यल महानगरपालिकाया सल्लाहकार प्रफुल्लममान सिंह प्रधान नं वंगु शनिवाः ७६ दँया उमेरय् मंत । हरिसिद्धिइ च्वंगु नेपाल क्यान्सर अस्पताल एण्ड रिसर्च सेन्टरय् वासः याकाच्वनादीम्ह मदुम्ह प्रधान स्वँया क्यान्सरं पीडित जुयाच्वनादीम्ह खः ।

मदुम्ह प्रधान यल मनपाया सल्लाहकारलिसें युएन ह्याबिटाट, जर्मन सहयोग नियोग जीटीजेड यलया संयोजक, रोटरी क्लब अफ यलया पुलांम्ह नायः नं खःसा आपालं सामाजिक संघसंस्था आवद्ध जुयाः नं वय्कलं ज्या यानादीगु दु ।

सम्बन्धित बुखँ

LEAVE YOUR COMMENTS