न्यातपौ देगःया बुसादँ

ख्वप- थनया ऐतिहासिक महत्वं जाःगु न्यातपौ देगःया बुसादँ हनेगु ज्या जुल । न्यातापौ (ङातापोल) देगः ३२० दँ क्यंगु लसताय् बुसादँ हनेगु ज्या जूगु खः ।

वंगु दिल्लाथ्व पारुकुन्हु थनया तःमधि त्वालय् न्यातपौ देगः ३२० दँ क्यंगुया बुसादँ हंगु खः । बुसादँ हनेगु झ्वलय् न्यातपौ देगलय् विशेष पुजा याःगु खःसा देगःया गजुलिइ ध्वाँय् नं ब्वयेकूगु खः । न्यातपौ देगःया बुसादँया इलय् स्थानीय तुछिमला त्वाःया अवाःतय्सं देगःया गजुलिइ ध्वाँय् ब्वयेकेगु याना वयाच्वंगु दु ।

ने.सं. ८२२ य् ख्वपया जुजु भूपतिन्द्र मल्लं कोत्याहुति यानाः सिद्धिलक्ष्मी द्यःयात देगलय् बिज्याकाः ध्वाँय् ब्वयेकूगु धइगु इतिहाय् धयातःगु दु । न्यातपौ देगःया बुसादँ दँय्दसं दिल्लाथ्व पारुकुन्हु हनेगु याना वयाच्वंगु दु ।

सम्बन्धित बुखँ

LEAVE YOUR COMMENTS