मूधिमे सनांगू खलः पुखूद्यांया दँमुँज्या

येँ – मूधिमे सनांगू खलः पुखूद्यांया झिक्वःगु दँमुँज्या वंगु माघ १२ गते थनया खुसिबुँइ च्वंगु नेपाः बैंक्वेटय् छगू ज्याझ्वःया दथुइ खलःया नायः गोविन्द महर्जनया अध्यक्षताय् क्वचाल ।येँ महानगरपालिकाया मेयर विद्यासुन्दर शाक्य मू पाहाँ कथं झायादीगु थुगु ज्याझ्वलय् खलःया लिउ छ्याञ्जे प्रकाश महर्जनं वार्षिक प्रतिवेदन व दांभरिं रामकृष्ण महर्जनं आर्थिक प्रतिवेदन न्ह्यब्वयादीगु खः ।

ज्याझ्वलय् राष्ट्रिय फुटबल प्रशिक्षक बालगोपाल महर्जन व कप्तान विराज महर्जनया लिसें पुखूद्यां त्वाःया ‘मिसा म्हिचा पुचः’या नकिं बसुमाया महर्जनपिंत मेयर शाक्यं विशेष कथं हनेगु ज्या नं जूगु खः । ज्याझ्वलय् त्वालय् धिमे, बय् व बाँसुरी स्यनादीम्ह गुरु शेषनारायण महर्जनयात नं हनेगु लिसें प्रशिक्षर्थी सकलसित दसिपौ नं लःल्हायेगु ज्या जूगु खः ।

 

सम्बन्धित बुखँ

LEAVE YOUR COMMENTS