ने. सं. ११४६ बछलागा तृतीया -

येँ मनपां पुलांम्ह मेयर पीएल सिंहयात हनीगु

येँ – येँ महानगरपालिकां थःगु नीन्याक्वःगु महादिवसया लसताय् पुलांम्ह मेयर पीएल सिंहयात हनीगु जूगु दु। थ्वहे वइगु मंसिर २८ व २९ गते निन्हुयंकं थीथी ज्याझ्वः यानाः बसन्तपुली महानगर दिवस न्यायेकेगु तयारी जुयाच्वंगु दु। थनिं २५ दँ न्ह्यः भाजु पीएल सिंह मेयर जुयाच्वंगु इलय् हे तत्कालीन ‘येँ नगरपालिका’यात ‘येँ महानगरपालिका’ घोषणा यायेगु ज्या जूगु खः । महानगर दिवस हनेगु निंतिं येँ मनपां मेयर विद्यासुन्दर शाक्यया अध्यक्षताय् मूल समारोह समिति नीस्वंगु दुसा उकिया अन्तर्गत थीथी उपकमिटी नं नीस्वंगु दु। थ्व लसताय् थीथी बाजं गुरुपिंत नं हनीगु ज्याझ्वः दु ।