विदेशी सेना निर्धारित इलय् लिहाः वनेमाः– तालिवान

एजेन्सी- तालिवानं वइगु सेप्टेम्बरया दुने दक्व विदेशी सेना अफगानिस्तान त्वःताः लिहां वनेमाः धाःगु दु । समाचार संस्था बिबिसीया संवाददाता लिसे खँ ल्हासें तालिवानीतय्सं आः वइगु सेप्टेम्बरया दुने नेटों क्वःछिउगु ईया दुने दक्वं विदेशी सेनां अफगानिस्तान त्वःतेमाःगु व अथे मयात धाःसा उकियात विदेशी सेनां कब्जाय् काःगु थें जुइ धकाः धाःगु दु ।

सेप्टेम्बर लिपा नं कुटनीतिक नियोग व काबुलय् च्वंगु अन्तर्राष्ट्रिय विमानस्थलय् द्वःछिम्ह अमेरिकी सेना च्वनीगु जुइवं तालिवानीतय्सं दक्वं सेना लिहां वनेमाः धकाः दबाब बिउगु खः । अफगानिस्तानय् नेटोया नीदँ ताःहाकःगु सैन्य मिशन क्वचायेत्यंगु दु । थ्वया लिसें अफगानिस्तानय् तालिवानीतय्गु हिंसा अप्वया वःगु दुसा आः सुरक्षाया दक्व जिम्मा अफगानी सेनायाके दु ।

थुखे तालिवानया प्रवक्ता शाहिनं सेनायात कब्जा यायेगु तालिवानया नीति मजूगु धाःगु दु । प्रवक्ता शाहिनं थःपिं विदेशी सेना विरुद्ध दुगु धाःगु दु ।

सम्बन्धित बुखँ

LEAVE YOUR COMMENTS