ने. सं. ११४३ चौलाथ्व सप्तमी -

फेसबुकय् हानं समस्या

येँ – विश्वन्यंकं सामाजिक सञ्जाल फेसबुक, इन्स्टाग्राम व ह्वाट्एपय् समस्या पिहां वःगु दु । म्हिगः फेसबुक व इन्स्टाग्राम प्रयोगकर्ताया पहुँचय् मदुगु खःसा ह्वाट्सएपय् मेसेज छ्वयेत व कायेत समस्या जूगु खँ समाचार एजेन्सीतय्सं धाःगु दु ।
फेसबुकय् समस्या वःगु खँ ट्वीटरपाखें जानकारी बिउगु दु । फेसबुकं थःपिंसं फयेमाःगु थ्वहे दकलय् तःधंगु समस्या जूगु खँ धाःगु दु । म्हिगः न्हिछि हे थ्व समस्यां फेसबुक प्रभावित जुयाच्वंगु खः ।

२ अर्ब ३० करोड प्रयोगकर्ता दुगु फेसबुकय् छु कारणं समस्या वःगु खः धइगु खँ सीमदुनि । फेसबुकं सर्भरय् समस्या जूगु खँ धासें थः प्रयोगकर्ता समक्ष माफी फ्वंगु दु । थ्व स्वयां न्ह्यः सन् २००८ य् नं फेसबुकं थज्याःगु हे समस्या फयेमाःगु खः ।