आः सुनार विरुद्ध मुद्दा लायेफु

येँया छेँथुवाः मय्जु सरस्वती प्रधान विरुद्ध तःगु मुद्दा यदि अदालत वंगु जूसा उकी निवेदक रुपा सुनार अवश्य बुइगु खँ प्रधानया मुद्दा स्वयादीम्ह कानून व्यवसायी नरेश कुमार श्रेष्ठं कनादीगु दु ।

जातीय भेदभाव सम्बन्धी ऐनय् सार्वजनिक थासय् विभेद याःगु जूसा जक थ्व कानून प्रभावित जुइ धासें वय्कलं प्रधानं सार्वजनिक रुपं अथे छुं मयाःगु खँ कनादिल । अथे हे बालं कालबिल सम्बन्धी छुं करार मजूगु कारणं प्रधानं सुयातं क्वथा बालं मबिल धकाः धाये मफइगु खँ नं श्रेष्ठं कनादिल ।

बरु निवदेक सुनार विरुद्ध आः अनुमति मकासे फोन टेप यानाः गोपनीयताया हक उल्लंघन याःगु, निषेधाज्ञा उल्लंघन यासें प्रेस पास दुरुपयोग याःगु द्वपनय् मुद्दा लाये फुगु खँ नं अधिवक्ता श्रेष्ठं कनादिल ।

सम्बन्धित बुखँ

LEAVE YOUR COMMENTS