पेप्सिकोलाय् छखाः हे छेँया स्वम्हेसित कोरोनाया आशंका

येँ – येँया पेप्सिकोलाय् च्वंगु छखाः छेँया स्वेम्हेसित कोरोनाया संक्रमण जूगु आशंका याःगु दु । पेप्सिकोलास्थित सनसिटी अपार्टमेन्टय् च्वनाच्वंगु छखाः छेँयाः स्वम्हसिया र्‍यापिड टेष्ट याःगु इलय् पोजेटिभ वयेकवं अस्पताल भर्ना याःगु दु । आः उमिगु परीक्षण पीसीआर विधिपाखें यायेगु निंतिं थ्रोट स्वाब संकलन याःगु दु । स्वम्हेसितं यलया पाटन अस्पतालया आइसोलेसनय् भर्ना याःगु दु ।

सनसिटी अपार्टमेन्टया ए ब्लकय् च्वनाच्वंपिं चैत ५ गते जक बेलायतं वःपिं खः । बेलायतं लिहांवःम्ह मामं, काय व भाैयात ज्वर वइगु व मुसु वइगु समस्या जुइवं र्‍यापिड टेष्ट याःगु खः ।