देउवा, दाहाल व ओली दथुइ सहलह

येँ- एमसीसी अनुमोदनयात कयाः म्हिगः प्रधानमन्त्री शेरबहादुर देउवा, गठबन्धन दल माओवादी केन्द्रया अध्यक्ष पुष्पकमल दाहाल व प्रमुख प्रतिपक्षी नेकपा एमालेया अध्यक्ष केपी शर्मा ओली दथुइ सहलह जूगु दु । सहलहया झ्वलय् प्रधानमन्त्री देउवां एमसीसी अनुमोदन यायेत ग्वाहालि यायेत इनाप यानादीगु खःसा माओवादी केन्द्रया अध्यक्ष दाहालं चुनाव लिपा जक एमसीसी अनुमोदन यायेमाःगु प्रस्ताव यानादीगु खः । एमाले अध्यक्ष ओलीं धाःसा एमसीसीया बारे सत्तापक्ष निं न्हापां स्पष्ट जुइमाःगु धारणा तयादीगु खः ।

थ्वहे झ्वलय् म्हिगः हे कानुन मन्त्री दिलेन्द्रप्रसाद बडुं एमसीसी विधेयक संसदय् पेश यायेगु बारे सभामुख अग्निप्रसाद सापकोटा लिसे सहलह यानादीगु दु । मन्त्री बडुं सभामुख सापकोटाया कार्यकक्ष सिंहदरवार वनाः एमसीसी वइगु प्रतिनिधिसभाया बैठकय् पेश यायेगु सरकारी तयारी दुगु जानकारी याकादीगु खः । लिसलय् सापकोटां धाःसा दकलय् न्हापां संसदया बैठक सञ्चालन यायेगु निंतिं दलतय्सं पहल यायेमाःगु खँ धयादीगु खः । वय्कलं एमालेया पंगःया दथुइ एमसीसी जक पेश यायेत समस्या जुइगु खँ धयादीगु खः । प्रतिनिधिसभाया बैठक माघ २६ गते सःतातःगु दु ।

सम्बन्धित बुखँ

LEAVE YOUR COMMENTS