पाकिस्तानय् मे ९ तक लकडाउन

येँ – पाकिस्तानं देय्न्यंक यानाच्वंगु लकडाउनयात थप याःगु दु । कोरोना भाइरसया महामारी अप्वयाच्वंगुलिं पाकिस्तानं मे ९ तारिक तकया निंतिं लकडान अप्वयेकूगु खः । राष्ट्रिय समन्वय समितिया मुँज्यां लकडाउनया ई थप यायेगु निर्णय याःगु जानकारी पाकिस्तानी योजना व विकास मन्त्रीं असद उमारं बियादिल ।

दकलय् न्हापां वंगु महिनाय् लकडायन याःगु पाकिस्तानं छु ई थुके लकडाउनयात छुंछुं थासय् फुकुवायाःगु खः । तर पाकिस्तानया स्वास्थ्य अधिकारीतय्सं पूर्णरुपंलकडाउन मयाःसा कोरोनाया अवस्था भायवह जुइफुगु ख्याच्वः बिउगु खः ।